| Ата-журт (ыр) | |
|---|---|
| Сөзү | Алыкул Осмонов |
| Обону | Шамшыбек Өтөбаев |
| Текстинин датасы | 24-октябрь, 1948-жыл |
| Текстинин жазылган жери | Чолпон-Ата |
Жылуу кийин, жолуң кыйын үшүрсүң,
Кыш да катуу... бороон улуп, кар уруп...
Суугуңду өз мойнума алайын,
Жол карайын, токтой турчу, Ата-Журт!
Түндөр жаман... кырсык салып кетпесин,
Наалат келип ат тизгинин шарт буруп...
Азабыңды өз мойнума алайын,
Из карайын, токтой турчу, Ата-Журт!
(Кийинки саптары обонуна кайырма кылынган)
Жазда башка жел тийбесин абайла,
Көпкө турбас, мобул турган сур булут.
Бүт дартыңды өз мойнума алайын,
Сен ооруба, мен ооруюн, Ата-Журт!
Жайгаштыруу: 2016-05-20, Көрүүлөр: 1502, Жайгаштырган: Э. Д., Өзгөртүлгөн: 2024-03-20
