Гвардия

Гвардия - байыркы убакта мамлекет башчысын же аскер башчыны кайтарган чакан отряддар. Кийинчерээк тандалма аскер бөлүктөрү да «Гвардия» деп аталган. Гвардия аскерлердин түрү катары 1-жолу Италияда (10-к.) пайда болгон. Орус гвардиясын 1696-1700-ж. Пётр I түзгөн, ал Семёновск жана Преображенск лейб-гвардия полкторунан турган. Кийинчерээк гвардиялык бирикмелер түзүлүп, 1918-ж. жоюлган. СССР убагында гвардия ардактуу наам, согушта өзгөчө эрдик көрсөткөн бөлүктөргө жана бирикмелерге берилген. Гвардиялык бөлүктөргө, кошуундарга, бирикмелерге өзгөчө гвардиялык туулар, кемелерге аскер-деңиз туулары тапшырылган. Тынч убакта аскер бөлүкчөлөрүн гвардиялык кылып кайрадан өзгөртүү жүргүзүлбөйт, кыскасы Улуттук гвардия.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)