Бул жерде Сиздин жарнама болушу мүмкүн! 0(707)48-14-46 whatsapp

Керме арканда жатып кайра турмай

Оюнчулардын саны 2—5 киши.

Оюн дарактуу жерде өткөрүлөт.

Оюнда аркан колдонулат.

Оюнчулар эки дарактын ортосуна аркан тартышкандан кийин, оюндун шарты жөнүндө сүйлөшүп алышат.

Оюнчулар кезектери келгенде, бирден керме арканда турушуп, чалкасынан жатышып кайра буттарына турууга аракеттенишет. Оюн, оюнчулар каалаган убакытка чейин уланат. Тең салмагын жоготпой керме арканда жатып кайра буттарына турган оюнчу, оюндун жеңүүчүсү болот.

Эшек жыгачта жатып кайра туруу, баканда жатып кайра турмай, артта жатып кайра турмай, эшекте кайра турмай.

Керме арканга жакын турууга, жардам берүүгө, тоскоолдук кылууга, тең салмагын жоготкондон кийин, кайрадан кезексиз аракетин улантууга, бир убакытка бирден ашык оюнчуларга керме арканда турууга болбойт.

Оюн өткөрүлүүчү жерде башка буюмдар болбошу керек.

Оюнда күч, шамдагайлыкка тарбияланат, чечкиндүүлүккө, тең салмакты сактоого, кыймылдарды башкарууга үйрөтөт.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)