Бул жерде Сиздин жарнама болушу мүмкүн! 0(707)48-14-46 whatsapp

Печенегдер

Печенегдер – 8–11–кылымдардагы түрк урууларынын союзу. Алар Арал деңизи менен Волга дарыясынын аралыгындагы аймакта көчүп жүрүшкөн. Көчмөн мал чарбасы менен кесиптенишкен. 9-кылымда хазарлар менен огуздардын кысымынан Кара деңиздин түндүк талааларына жылган. Ал жердеги көчмөн венгрлерди талкалап, Төмөнкү Волгадан Дунайга чейинки жерди ээлеген. 10-кылымда Печенегдер 8 урууга бөлүнгөн. Урууларды «улуу князь», уруктарды «кичи князь» башкарган. Печенегдердин коомунда алгачкы жамааттык мамилелер ыдырап, феодалдык мамилелер калыптана баштаган. Византия Печенегдерди венгрлерге, болгарларга жана Руска каршы күрөшүнө пайдаланып турган (915-, 920-, 968-, 972-, 988–997-ж.). 1036-ж. Ярослав Мудрый Печенегдерди талкалаган. 11-кылымдын ортосунда Печенегдер Карпат, Дунайга чейин тарап, бир бөлүгү Венгрия менен Болгарияга кетип, калганы кыпчактарга жана орустарга сиңип кеткен.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)